పవర్ స్టార్ అభిమానులకు గుడ్ న్యూస్. ఎప్పుడెప్పుడా అని ఎదురుచూస్తున్న ‘భీమ్లా నాయక్’ మూవీని ఈనెల 25వ తేదీన విడుదల చేస్తున్నట్లు నిర్మాత నాగ వంశీ ట్విట్టర్ వేదికగా ప్రకటించారు. రెండు రాష్ట్రాల్లో కోవిడ్ ఉధృతి తగ్గడంతో చిత్రబృందం ఈ నిర్ణయం తీసుకున్నట్లు తెలుస్తోంది.
కాగా ఇప్పటికే విడుదలైన మూవీ టీజర్‌, గ్లింప్స్ ఆకట్టుకున్నాయి.దీంతో సినిమాపై అంచనాలు భారీగా పెరిగిపోయాయి. సినిమా కోసం అభిమానులు ఈగర్‌గా వెయిట్‌ చేస్తున్నారు.
ఇక మలయాళ హిట్ ‘అయ్యప్పనుమ్ కోశియుమ్’కు రీమేక్గా తెరకెక్కుతున్న ఈ సినిమాలో పవన్ సరసన నిత్యామేనన్, సంయుక్త మేనన్ హీరోయిన్లుగా చేస్తున్నారు.ఇందులో పవన్ పవర్ ఫుల్ పోలీస్ పాత్రలో నటిస్తున్నారు. అతడిని ఢీ కొట్టే ప్రతినాయకుని పాత్రలో రానా కనిపించనున్నారు.సూర్యదేవర నాగ వంశీ నిర్మాతగా వ్యవహరిస్తున్న ఈ చిత్రానికి..సాగర్ చంద్ర దర్శకత్వం వహించగా త్రివిక్రమ్ మాటలు రాశారు. తమన్ సంగీతమందిస్తున్నారు.
