కేర‌ళ‌లో మెట్రో మ్యాన్ శ్రీధ‌ర‌న్ గెలుపు మార్పుకు నాంది అని ప్ర‌ధాని మోదీ అన్నారు. ఎన్నిక‌ల ప్ర‌చారంలో భాగంగా ఆయ‌న శుక్ర‌వారం కేర‌ళ‌లోని పథనందిట్టా జిల్లాలో ప‌ర్య‌టించారు. ఈ సంద‌ర్భంగా ఆయ‌న మాట్లాడుతూ.. అధికార ఎల్డీఎఫ్‌, ప్ర‌తిప‌క్ష యూడీఎఫ్ ల‌తో ప్ర‌జ‌లు విసిగిపోయార‌ని, వ‌చ్చే ఎన్నిక‌ల్లో ప్ర‌జ‌లు బీజేపి ప‌ట్టంక‌డ‌తార‌ని మోదీ అన్నారు. దేశ అభివృద్ధికి ఎన్నొ సేవ‌లందించిన శ్రీథ‌ర‌న్‌, ప్ర‌జల‌కు సేవ‌లందిచేందుకు రాజ‌కీయాల్లోకి వచ్చార‌ని తెలిపారు. ఈ సారి ఎన్నిక‌ల్లో అధికారంలోకి వ‌చ్చేది ఎన్‌డీఎ ప్ర‌భుత్వ‌మ‌ని మోదీ స్ప‌ష్టం చేశారు. శ‌బరిమ‌ల అయ్య‌ప్ప భ‌క్తుల విష‌యంలో విజ‌య‌న్ సర్కార్ తీసుకున్న చ‌ర్య‌ల‌పై మోదీ మండిప‌డ్డారు. ప‌విత్ర ప్ర‌దేశాల‌ను కొంద‌రు స్వార్ధంతో అప‌విత్రం చేయాలని చూశార‌న్నారు. భ‌క్తులేమి క్రిమిన‌ల్స్ కాద‌ని, వారిపై లాఠీఛార్జ్ చేయించ‌డం అమానుష‌మ‌ని ప్ర‌ధాని పేర్కొన్నారు.
