కామన్వెల్త్ గేమ్స్_2022 లో భారత మహిళా క్రికెట్ జట్టు చరిత్ర సృష్టించింది. శనివారం అతిథ్య ఇంగ్లాండ్ తో జరిగిన సెమీ ఫైనల్ మ్యాచ్‌లో హర్మన్ సేన 4 పరుగుల తేడాతో ఇంగ్లండ్‌ను ఓడించి ఫైనల్ కి చేరింది. దీంతో భారత్ కు మరో పతకం ఖాయమైంది.
అంతకుముందు తొలుత టాస్ ఓడి బ్యాటింగ్ చేసిన టీమిండియా 20 ఓవర్లలో 164 పరుగులు చేసింది. ఓపెనర్ స్మృతి మంధాన మెరుపు హాఫ్ సెంచరీతో అదరగొట్టింది. కేవలం 32 బంతుల్లో 61 పరుగులు చేసింది. ఆమెకు తోడుగా జెమీమా రోడ్రిగ్స్ 44 పరుగులతో ఫర్వాలేదనిపించుంది.
అనంతరం 165 పరుగుల లక్ష్య చేధనకు దిగిన ఇంగ్లాండ్ జట్టు 6 వికెట్లు కోల్పోయి 160 పరుగులు మాత్రమే చేయడంతో.. భారత్ విజయం ఖారారు అయ్యింది. వద్దే ఆగిపోయింది. ఆ జట్టులో డేనియల్ వ్యాట్ 35 పరుగులతో రాణించింది. కెప్టెన్ అమీ జోన్స్ కూడా 41 పరుగులతో ఆకట్టుకుంది.
ఇక కామన్వెల్త్ గేమ్స్‌లో తొలిసారిగా మహిళల క్రికెట్ నిర్వహిస్తున్న విషయం తెలిసిందే. ఈ క్రమంలోనే భారత మహిళల జట్టు తొలి ప్రయత్నంలో ఫైనల్ చేరి పతకాన్ని ఖరారు చేసి అదరగొట్టింది.
