పవర్ స్టార్ పవన్ కళ్యాణ్ తాజా చిత్రం ‘భీమ్లా నాయక్’ పై సూపర్ స్టార్ మహేష్ బాబు ప్రశంసల వర్షం కురిపించారు. ఈ మేరకు ఆయన ట్విట్టర్ వేదికగా స్పందిస్తూ.. భీమ్లా నాయక్ మూవీ చూశాను..పవన్ కల్యాణ్.. ఎనర్జిటిక్, ఫైరింగ్ యాక్టింగ్ తో అదరగొట్టేశారని.. డేనియల్ శేఖర్గా రానా స్క్రీన్ ప్రెజెన్స్ అద్భుతంగా ఉదంని.. త్రివిక్రమ్ ఎప్పటిలానే అద్భుతంగా డైలాగులు రాశారని.. విజువల్స్ అద్భుతంగా ఉన్నాయని.. తమన్ సంగీతం మంత్రముగ్ధులను చేసిందంటూ.. చిత్రయూనిట్ కు అభినందనలు తెలిపారు మహేష్. దీంతో అటు సూపర్ స్టార్ అభిమానులు.. ఇటు పవన్ అభిమానులు ఆనందాన్ని వ్యక్తం చేస్తున్నారు.
ఇక శుక్రవారం రిలీజైన ‘భీమ్లా నాయక్’.. ప్రేక్షకుల్ని అలరిస్తూ వసూళ్ల వర్షం కురిపిస్తోంది.’అయ్యప్పనుమ్ కోశియుమ్’ రీమేక్గా తెరకెక్కిన ఈ సినిమాలో పవన్ పవర్ ఫుల్ పోలీస్ అధికారిగా నటించారు. రానా ప్రతినాయకుడి పాత్ర పోషించారు. నిత్యామేనన్, సంయుక్త మేనన్ హీరోయిన్లుగా నటించారు. స్క్రీన్ప్లే-మాటలు త్రివిక్రమ్ అందించగా, సాగర్ కె చంద్ర దర్శకత్వం వహించారు. సూర్యదేవర నాగవంశీ ఈ చిత్రాన్ని నిర్మించారు.
పవర్ స్టార్ సినిమా పై సూపర్ స్టార్ ప్రశంసల వర్షం!
