Suryapeta: తెలంగాణ గురుకుల మహిళ డిగ్రీ కళాశాల్లో స్టూడెంట్ కౌన్సిల్ ఎన్నికలు..

సూర్యాపేట జిల్లా తెలంగాణ సాంఘిక సంక్షేమ గురుకుల మహిళా డిగ్రీ కళాశాల్లో స్టూడెంట్ కౌన్సిల్ ఎన్నికలు నిర్వహించారు. ప్రతి ఏటా మాదిరిగానే శనివారం జరిగిన ఎన్నికల్లో  శిరీష నేతృత్వంలోని ప్యానల్ ఘన విజయం సాధించింది. డిగ్రీ థర్డ్ ఇయర్, సెకండ్ ఇయర్ విద్యార్థినులు రెండు ప్యానల్స్ గా ఎన్నికల్లో పోటీచేశారు. హోరాహోరిగా జరిగిన ఎన్నికల్లో విద్యార్థినులు ఉత్సాహంగా ఓటింగ్లో పాల్గొన్నారు. ఓటింగ్ అనంతరం కళాశాల అధ్యాపక బృందం ఎన్నికల ఫలితాలను ప్రకటించింది.

కాగా స్టూడెంట్స్ కౌన్సిల్ ఫలితాల తర్వాత ప్రిన్సిపల్ డాక్టర్ శైలజ మాట్లాడుతూ.. విద్యార్థినీలు చదువుతోపాటు అన్ని రంగాలలో రాణించి..  భవిష్యత్తులో ఉన్నత శిఖరాలు చేరుకోవాలని ఆకాంక్షించారు.  విద్యార్థి దశలోని స్నేహపూర్వక పోటీతత్వం.. నాయకత్వ లక్షణాలును అలవర్చుకోవాలని సూచించారు. పరిపాలన వ్యవస్థపై  అవగాహన పెంపొందించుకోవాలని హితవు పలికారు.

 

Optimized by Optimole