టీంఇండియా ఆటగాళ్లు రిషబ్ పంత్ -రవీంద్ర జడేజా పై దక్షిణాఫ్రికా దిగ్గజ ఆటగాడు ఏబీ డివిలయర్స్ ట్విట్టర్ వేదికగా ప్రశంసల వర్షం కురిపించాడు. టెస్ట్ క్రికెట్ లో నేను ఇప్పటివరకు చూడని అత్యుత్తమ భారత జోడి పంత్-జడేజా అంటూ ట్విట్ చేశాడు. ఇంగ్లాడ్ తో జరుగుతున్న ఐదవ టెస్టులో భారత్ 98 పరుగలకే 5వికెట్లు కోల్పోయి టీంఇండియా కష్టాల్లో పడింది. ఈసమయంలో పంత్ -జడేజా ద్వయం ఆరోవికెట్ కు 222 పరుగుల విలువైన భాగస్వామ్యాన్ని నెలకొల్పింది. పంత్ 146, జడేజా 104 పరుగులతో సెంచరీల మోత మోగించారు.
బర్మింగ్‌హామ్‌ ఎడ్జ్‌బాస్టన్‌ వేదికగా ఇంగ్లండ్‌తో రీషెడ్యూల్ లో భాగంగా జరుగుతున్న ఐదవ టెస్టులో టీంఇండియా పటిష్ట స్థితిలో నిలిచింది. దీనికి పంత్- జడేజా పోరాట ఫలితమే ప్రధాన కారణమంటూ డివిలియర్స్ ట్విట్ లో పేర్కొన్నాడు. ఐదవ టెస్ట్ మ్యాచ్ హైలెట్స్ చూడటం పూర్తయ్యాక..ఇద్దరి ఆటగాళ్లను ఆకాశానికెత్తేశాడు. టెస్ట్ క్రికెట్ లో ఇప్పటివరకూ చూడని అత్యత్తమ జోడిగా అభివర్ణిస్తూ..ఇద్దరి ఆటగాళ్లకు పోస్టును ట్యాగ్ చేశాడు. ప్రస్తుతం డివిలియర్స్ చేసిన ట్విట్ నెట్టింట్లో వైరల్ గామారింది.
Haven’t been home and missed most of the Cricket action. Finished watching the highlights now. That counterattack partnership from @RishabhPant17 and @imjadeja is right up there with the best I’ve ever seen in Test Cricket!
— AB de Villiers (@ABdeVilliers17) July 4, 2022
