Nancharaiah merugumala senior journalist: “నేనూ కాపొడినే.. కరీంనగర్ లో కేసీఆర్ వెల్లడిసకల కాపు సోదరసోదరీమణులకూ చల్లని మాటిది”
‘నేనూ కాపోడినే,’ అని సోమవారం కరీంనగరు ఎన్నికల సభలో తెలంగాణ ముఖ్యమంత్రి కల్వకుంట్ల చంద్రశేఖర్ రావు వెల్లడించారు. మున్నూరు కాపు మంత్రి గంగుల కమలాకర్ గెలుపు కోసం బీఆరెస్ అధినేత ప్రచారం చేస్తూ, ‘ నేనూ కాపోడినే. నేనూ వ్యవసాయం చేస్తన్నా. కాపోడిగా రైతు కష్టం నాకు తెల్సు,’ అని తెలంగాణ సీఎం బహిరంగంగా ప్రకటించడం ఆంధ్ర ప్రదేశ్ లో, దేశవ్యాప్తంగా నివసించే కాపు, బలిజ, తెలగ, ఒంటరి కులస్తులకు నిజంగా గర్వకారణం. ఇప్పటి దాకా తమ కులాల్లో పుట్టిన రాజకీయ నాయకులు ఎవరూ ఆంధ్రప్రదేశ్ ముఖ్యమంత్రి కాలేదని, రాజ్యాధికారం రుచి తమకు దక్కలేదని నొచ్చుకుంటున్న కాపు సోదరులకు కల్వకుంట్ల వారి మాట కొండంత ధైర్యాన్ని, కడలంత సంతోషాన్ని ఇస్తోంది.
