సంచలనం సృష్టించిన బెంగళూరు డ్రగ్స్ కేసు దర్యాప్తు వేగవంతమైంది. ఈ కేసులో తెలంగాణకు చెందిన నలుగురు ప్రజాప్రతినిధులతో పాటు కొందరు సినీ ప్రముఖుల పేర్లను గుర్తించినట్లు పోలీసులు తెలిపారు. ఇప్పటికే ఈ కేసుకు సంబంధించి హైదరాబాద్కు చెందిన రతన్ రెడ్డి, కలహన్ రెడ్డి నోటీసులు అందజేసినట్లు, వారు త్వరలో విచారణకు హాజరుకానున్నట్లు తెలిసింది. మిగత వారికి త్వరలో నోటీసులు ఇవ్వనున్నట్లు పోలీసుల వెల్లడించారు. దీంతో వారెవరు అన్నది రాష్ట్రంలో చర్చనీయాంశంగా మారింది.
కాగా మత్తు పదార్ధాలకు సంబంధించి కర్ణాటకలోని గోవిందపురం పోలీస్స్టేషన్లో కేసు నమోదు అయింది. అనంతరం కేసును క్రైమ్ బ్రాంచ్ కు ట్రాన్స్ఫర్ చేయడంతో అధికారులు విచారణ చేపట్టారు. కేసులో మొదట కన్నడ నిర్మాత శంకర్ గౌడను అరెస్ట్ చేసి విచారించడంతో డ్రగ్స్ డొంక కదిలింది. హైదరాబాదులో వీకెండ్ పార్టీ లకు శంకర్ గౌడ మత్తుమందు సరఫరా చేసినట్లు విచారణలో తేలిందని పోలీసులు గుర్తించారు. అంతేకాక ఈ పార్టీలకు విదేశీ యువతులను రప్పించినట్లు తెలిసింది.
Related Posts
