పుష్ప చిత్రం నుంచి మూడో సాంగ్ రిలీజ్: చిత్ర యూనిట్

ఐకాన్‌స్టార్‌ అల్లు అర్జున్‌ క్రియెటివ్ జీనియస్ సుకుమార్ కలయికలో రాబోతున్న ప్యాన్ ఇండియా చిత్రం ‘పుష్ప’. ఎర్రచందనం స్మగ్లింగ్‌ నేపథ్యంగా తెరకెక్కుతోన్న ఈ చిత్రంలో పుష్పరాజ్‌ అనే స్మగ్లర్‌ పాత్రలో బన్నీ కనిపించనున్నారు. పుష్పరాజ్‌ ప్రేయసి శ్రీవల్లి పాత్రలో కన్నడ బ్యూటీ రష్మిక నటిస్తున్నారు. తాజాగా ఈ సినిమాలని మూడో పాట ‘సామీ నా సామీ’ లిరికల్‌ వీడియోని గురువారం ఉదయం చిత్రబృందం సోషల్‌ మీడియాలో రీలిజ్ చేశారు. ఈ మాస్‌ సాంగ్‌ను మౌనికా యాదవ్‌ అలపించారు.
పాన్‌ ఇండియా చిత్రంగా రూపుదిద్దుకుంటోన్న ఈ చిత్రాన్ని రెండు భాగాలుగా విడుదల చేయనున్నారు. ‘పుష్ప ది రైజ్‌’పేరుతో తొలి భాగాన్ని క్రిస్మస్‌ కానుకగా డిసెంబర్‌ 17న ప్రేక్షకుల ముందుకు తీసుకురానున్నారు. దర్శకుడు సుకుమార్‌-బన్నీ కాంబినేషన్‌లో రాబోతున్న హ్యాట్రిక్‌ చిత్రంకావడంతో సినిమాపై భారీ అంచనాలు నెలకొన్నాయి. రాక్ స్టార్ దేవిశ్రీ ప్రసాద్‌ స్వరాలు అందిస్తున్నారు. ఈ సినిమాలో రష్మిక డీ గ్లామర్‌ లుక్‌లో కనిపించనున్నారు. మలయాళీ నటుడు ఫహద్‌ ఫాజిల్‌ కీలకపాత్ర పోషిస్తున్నారు. మైత్రి మూవీమేకర్స్ పతాకంపై ఈ సినిమా నిర్మితమవుతోంది.