భారతీయ టేకీలకు గుడ్ న్యూస్!

అమెరికాలో నివసించే భారతీయ ఐటీ నిపుణులకు గుడ్​న్యూస్. హెచ్ వన్ బి వీసాల ల విషయంలో అమెరికా కీలక నిర్ణయం తీసుకుంది.
ప్రస్తుతం గ్రీన్​కార్డుల జారీలో ఉన్న దేశాల వారీ కోటాను ఎత్తివేయాలనే ప్రతిపాదనకు యూఎస్​ ప్రభుత్వం ఆమోదం తెలిపింది. ఈ చట్టం అమలులోకి వస్తే భారతీయులకే అధిక ప్రయోజనం చేకూరనుంది. జో లోఫ్​గ్రెన్​, జాన్​ కర్టిస్ అనే ఇద్దరు సభ్యులు ‘ది ఈక్వల్​ యాక్సెస్​ టు గ్రీన్​ కార్డ్స్ ఫర్​ లీగల్​ ఎంప్లాయిమెంట్​ (ఈఏజీఎల్​ఈ) చట్టం–2021’ను సభలో ప్రవేశట్టగా.. ఈ బిల్లుకు అనుకూలంగా 365 మంది.. వ్యతిరేకంగా 65 మంది ఓటేశారు. ఇక సెనెట్​ ఆమోదం కూడా పొందితే ఈ ప్రతిపాదన చట్ట రూపం దాల్చనుంది.
ప్రస్తుత వలస విధానంలో భారత్​కు కేటాయించిన 7 శాతం కోటా.. హెచ్​ 1బీ వర్కింగ్​ వీసాపై అమెరికాలో పనిచేస్తున్న నిపుణులు గ్రీన్​కార్డు పొందడంలో అడ్డంకిగా మారింది. అందువల్ల, తాజా బిల్లుకు ఆమోదం లభిస్తే ప్రస్తుతం ఉన్న 7 శాతం ఉన్న కోటా 15 శాతానికి పెరగనుంది. ఈ బిల్లుకు ఆమోదం లభిస్తే ఇతర దేశాల కన్నా భారతీయులకే ఎక్కువ లబ్ధి చేకూరనుంది.
ఈ కోటాను 15 శాతానికి పెంచితే ఎక్కువ మందికి గ్రీన్​ కార్డు వచ్చే అవకాశం ఉంటుంది. ఈ సందర్భంగా ఇమిగ్రేషన్​, సిటిజన్​ షిప్​పై.. కాంగ్రెస్​ చైర్మన్​ లోఫ్​గ్రెన్​ మాట్లాడుతూ.. ‘వలసదారులకు వీసాలను కేటాయించే ప్రాథమిక చట్టం 20 వ శతాబ్దం మధ్యకాలం నాటిది. ఈ చట్టంలో చివరిగా 1990లో మార్పులు చేశారు. ప్రస్తుతం గ్రీన్​కార్డుల జారీలో మార్పులు చేయాల్నిన అవసరం ఉంది. తాజా నిబంధనలు అమలైతే, నైపుణ్యాల ఆధారంగా గ్రీన్​కార్డులు అందుతాయి. అమెరికా కంపెనీలు అత్యున్నత స్థాయి నిపుణులను ఎంపిక చేసుకునే అవకాశం ఉంటుంది’ అని చెప్పారు.
కాగా, ఈ బిల్లు గట్టెక్కితే హెచ్​1బి వీసాపై అమెరికాలో నివసిస్తున్న దాదాపు 10 లక్షల మంది భారతీయ ఐటీ నిపుణులకు మేలు జరిగే అవకాశం ఉంది.