తెలంగాణ ఉద్యమంలో అశువులు బాసిన వారి ఊసురు తగిలి తీరుతుంది !

పార్థ సారథి పొట్లూరి:

‘’చట్టం తన పని తాను చేసుకుపోతుంది ‘’ !ఏ మూహూర్తాన PV నరసింహా రావు గారు ఈ మాట అన్నారో కానీ మూడు దశాబ్దాలుగా ఈ వాక్యం జనం నోట్లో నానుతూనే ఉంది !

‘’ యూరోపు సమస్య ప్రపంచానిది కానీ ఆసియా దేశాల సమస్య యూరోపుది కాదు ‘’ ! ఇది మన విదేశాంగ శాఖ మంత్రి గారి నోట వెంటనుండి వచ్చిన వాక్యం ! 

‘’ తెలంగాణ ముఖ్యమంత్రి కుటుంబ సమస్య తెలంగాణ ప్రజలది కానీ తెలంగాణ ప్రజల సమస్య తెలంగాణ ముఖ్యమంత్రి కుటుంబానిది కాదు ‘’ ! ఆర్రే ..అచ్చం ఒరిజినల్ గా వచ్చింది కదా ? 

Kcr జోలికి వస్తే తెలంగాణా అగ్ని గుండం అవుతుంది .. అవునా ?

ఈ రోజు ED విచారణలో మనీష్ సిసోడియా ఒప్పేసుకున్నాడు ! కవిత గారి ప్రపోజల్ కి నేను ఒప్పుకున్నాను !

ప్రపోజల్ అంటే బిజినెస్ ప్రపోజల్ అన్నమాట !

So! సౌత్ గ్రూపు తరుపున బ్రోకర్ గా పనిచేసిన రామచంద్ర పిళ్లై కవితక్క ఇచ్చిన 100 కోట్ల రూపాయాలని నేను మనీష్ సిసోడియా కి ఇచ్చాను అని వాంగ్మూలం ఇచ్చారు !

నిందుతులు పోలీసులకి ఇచ్చే వాంగ్మూలం కోర్టులో చెల్లదు ! Ok ! కానీ ED రామచంద్ర పిళ్లై కి ఒక ప్రశ్నా పత్రం ఇచ్చి తన చేతనే సమాధానాలు వ్రాయించింది ! కాబట్టి ఇక్కడ ED అనేది పోలీస్ కాదు అసలు ED FIR అంటూ ఏమీ రిజిస్టర్ చేయదు !

ED అనేది పోలీసు కాదు కాబట్టి FIR రిజిస్టర్ చేయదు! ED విషయంలో సుప్రీం కోర్ట్ స్పష్టం చెప్పింది. ఎన్ఫోర్స్మెంట్ కేస్ ఇన్ఫోర్మేషన్ రిపోర్ట్ [ECIR] మాత్రమే ఇస్తుంది సంబంధిత కోర్టుకి. ECIR అనేది FIR కాదు. ED అనేది సిబిఐ రిజిస్టర్ చేసిన కేసులలో మనీ లాండరింగ్ జరిగినట్లు ఆధారాలు దొరికినప్పుడు మాత్రమే సిబిఐ FIR ని బేస్ చేసుకొని దర్యాప్తు చేసి ECIR ని ఇస్తుంది. అలాగే వివిధ రాష్ట్రాల పోలీసులు రిజిస్టర్ చేసిన కేసులలో మనీ లాండరింగ్ జరిగినప్పుడు ఆయా పోలీస్ స్టేషన్ లలో రిజిస్టర్ అయిన FIR ఆధారంగా దర్యాప్తు చేస్తుంది.

ED తన దర్యాప్తు రిపోర్ట్ ని [ECIR] ఇచ్చాక వాటిలోని ఆరోపణలని అవి నిజం కావు అని నిరూపించుకోవాల్సిన బాధ్యత నిందుతుల మీదనే ఉంటుంది తప్పితే ED మీద ఉండదు !

తెలంగాణ అగ్ని గుండం ఎలా అవుతుంది ? 

ఆ రోజులు పోయాయి ! ఏళ్ల తరబడి మోసం చేయలేరు !

తెలంగాణ వదిలిపెట్టి ఢిల్లీలో మద్యం దందా చేయడం తప్పేమీ కాదు ! కానీ అక్రమ మార్గంలో తండ్రి ముఖ్యమంత్రి హోదాని అడ్డుపెట్టుకొని చేసిన అక్రమ దందా ఢిల్లీ లిక్కర్ స్కామ్ ! దానికి తెలంగాణ ప్రజలకి సంబంధం ఏమిటి ?

అగ్నిగుండం చేసేది మీరు డబ్బులు ఖర్చుపెట్టి brs కార్యకర్తల చేత బందులు చేయిస్తే ప్రజలు చూస్తూ ఊరుకోరు !

నేరుగా ప్రభుత్వమే బందులని ప్రోత్సాహిస్తున్నది అంటూ ఎవరన్నా కోర్టు తలుపులు తడితే కోర్టు తలంటుతుంది !

నేరుగా రామచంద్ర పిళ్లై తానే స్వయంగా సౌత్ గ్రూపు తరుపున ఐ ఫోన్లని బ్లాస్ట్ ఫర్నెస్ లలో వేసి కాల్చేశానని ED కి వాంగ్మూలం ఇచ్చాడు! కాబట్టి బెయిల్ దొరికే ప్రసక్తే లేదు !

కేజ్రీ వాల్ ఇప్పటి వరకు 45 కోట్లు ఖర్చు పెట్టాడు ప్రజాధనాన్ని అడ్వొకేట్ లకి ఫీజుల రూపంలో ! కానీ ఎవన్నా ప్రయోజనం కనిపించిందా ?

కేజ్రీవాల్ డ్రామా !

మనీష్ సిసోడియ అరెస్ట్ అయిన తరువాతి రోజున కొత్తరకం డ్రామాకి తెరతీశాడు కేజ్రీవాల్ !

మనీష్ సిసోడియ అమాయకుడు అనీ ఢిల్లీ స్కూళ్ల లో ప్రవేశపెట్టిన వినూత్న విద్యా విధానం ని చూసి అసూయపడి బిజేపి ప్రభుత్వం అక్రమ కేసులు పెట్టి వేధిస్తున్నది అంటూ ప్రచారానికి తెరతీశాడు క్రేజీ వాల్ !

కానీ అది ఎదురు తన్నింది !

ఢిల్లీ లోని శాస్త్రి పార్క్ ప్రాంతంలోని ఒక ప్రభుత్వ పాఠశాల ముందు మనీష్ సిసోడియ అరెస్ట్ ని నిరసిస్తూ ‘’We Love our Education Minister Manish Sisodia ‘’ అనే నినాదంతో ఫ్లెక్సీ లు కట్టారు మనీష్ అరెస్ట్ అయిన మరుసటి రోజున.

ANI వార్తా సంస్థ విలేఖరి ఆ స్కూల్ కి వెళ్ళి విచారణ చేస్తే అసలు విషయం బయటపడ్డది ! ఢిల్లీ లో ప్రతి  స్కూల్ కి స్కూల్ మానేజ్మెంట్ కమిటీ[SMC] ఉంటుంది. ఈ కమిటీలో ఆయా స్కూళ్ల ప్రిన్సిపాల్ తో పాటు విద్యార్ధుల తరుపున తల్లి తండ్రుల నుండి ఒకరిని కొ ఆర్డినేటర్ గా నియమిస్తారు.

శాస్త్రి పార్క్ ప్రభుత్వ పాఠశాల ప్రిన్సిపాల్ తో పాటు ఆ స్కూల్ కొ ఆర్డినేటర్ అయిన గజాల పిల్లల చేత స్కూల్ లోపలి నుండి బెంచీలు తెప్పించి దాని మీద ఎక్కి మరీ ఫ్లెక్సీ లు కడుతుంటే విద్యార్ధుల తల్లి తండ్రులు అభ్యంతరం తెలిపారు .. పాఠశాలలు అనేవి విద్యార్ధులకి దేవాలయాలు, ఇలాంటి చోట మీరు రాజకీయాలని తీసుకురాకండి అంటూ అభ్యంతరం చెప్పారు తీవ్ర స్వరంతో !

సదరు పాఠశాల ప్రిన్సిపాల్ ని విలేఖరి మీకు అనుమతి ఉందా ఇలా ఫ్లెక్సీ కట్టడానికి విద్యార్ధుల చేత అని ఆడగగా అనుమతి ఉంది అని బదులు ఇచ్చాడు ప్రిన్సిపాల్ ! ఎవరి అనుమతి తీసుకున్నారు అని అడిగితే స్థానిక AAP MLA అయిన అబ్దుల్ రెహమాన్ [Abdul Rehman ] పేరు చెప్పాడు ప్రిన్సిపాల్. దాంతో విలేఖరి AAP MLA అయిన అబ్దుల్ రెహమాన్ కి ఫోన్ చేసి ఆడగగా నేనే కట్టమన్నాను అంటూ బదులు ఇచ్చాడు!

ప్రాజెక్ట్ సిసోడియ పేరుతో AAP పలు ఆందోళనలతో పాటు ఢిల్లీ లోని అన్ని ప్రభుత్వ పాఠశాల విద్యార్ధుల చేత మనీష్ సిసోడియ విద్యా రంగానికి చేసిన సేవల మీద వ్యాసాలు వ్రాయమని ఒత్తిడి తెచ్చారు. కానీ ఎవరూ ముందుకు రాలేదు ఆ పని చేయడానికి !

ప్రాజెక్ట్ సిసోడియ అట్టర్ ఫ్లాప్ అయింది !

ఎందుకంటే ఢిల్లీ లోని స్థానిక మీడియా రోజు వారీ లిక్కర్ స్కామ్ వార్తలని ప్రజలకి అందిస్తూ వస్తున్నది ! లిక్కర్ స్కామ్ గురుంచి చిన్నది పెద్దది అనే తేడా లేకుండా ప్రతి ఒక్క విషయాన్ని తెలియచేస్తూ వచ్చాయి! దాంతో విద్యార్ధుల తల్లి తండ్రులకి లిక్కర్ స్కామ్ మీద మంచి అవగాహన వచ్చింది ! కానీ మన తెలుగు రాష్ట్రాలలో ప్రింట్,ఎలెక్ట్రానిక్ మీడియా మాత్రం తప్పని సరి తద్దినం లాగా అప్పుడప్పుడు అదీ అన్యాయంగా బిజేపి కేసులు పెడుతున్నట్లు వాపోయాయి ! BRS తో పాటు YSRCP కి కూడా ఢిల్లీ లిక్కర్ కుంభకోణం లో పాత్ర ఉండడం వలన రెండు తెలుగు రాష్ట్రాలలో అప్ డేట్స్ రాలేదు !

కేజ్రీవాల్ ప్లాన్ ఏమిటంటే విద్యార్ధుల చేత మనీష్ సిసోడియ విద్యా శాఖ మంత్రిగా చేసిన సేవలని పొగుడుతూ వ్యాసాలు వ్రాయించి వాటిని డబ్బులు ఇచ్చి మరీ న్యాయార్క్ టైమ్స్ మొదటి పేజీలో వేయించి భారత్ లో ప్రజాస్వామ్యం ప్రమాదంలో పడిపోయింది అంటూ ప్రచారం చేసుకోవచ్చు !

కేజ్రీవాల్ ఒక్క స్కూల్ కూడా కొత్తది కట్టలేదు ఢిల్లీ లో తాను ముఖ్యమంత్రిగా ప్రమాణస్వీకారం చేసినప్పటి నుండి ! ఒక్క ప్రభుత్వ ఆసుపత్రి కట్టలేదు ! ఒక్క ఫ్లై ఓవర్ కట్టలేదు ! ఆరాకొర స్కూళ్ళకి రంగులు వేయించి వాటిని అడ్వర్టైజ్ చేసుకుంటూ వస్తున్నాడు ! ఇక మనీష్ సిసోడియ విద్యారంగానికి చేసింది ఏమిటి ?

ప్రాజెక్ట్ సిసోడియా అట్టర్ ఫ్లాప్ అవడానికి కారణం ఢిల్లీ ప్రజల నుండి ఎలాంటి కనీస మద్దతు రాకపోవడమే కారణం ! ఎందుకంత దిగజారాడు కేజ్రీవాల్ ?

మనీష్ సిసోడియా సిబిఐ అరెస్ట్ లో జ్యుడీషియల్ కస్టడీ తేదీ ముగియగానే వెంటనే ఢిల్లీ హై కోర్ట్ లో బెయిల్ పిటిషన్ మూవ్ చేయడానికి సన్నాహాలు చేస్తుండగానే ED అరెస్ట్ చేసింది.

కావాలనే బిజేపి ఈ పని చేస్తున్నది అంటూ ప్రెస్ మీట్ పెట్టి మరీ కేజ్రీవాల్ వాపోయాడు !

కానీ కేజ్రీవాల్ ముఖంలో భయాందోళనలు స్పష్టంగా కనిపించాయి ప్రెస్ మీట్ లో !

కేజ్రీవాల్ కి భయం ఎందుకు ?

ఎందుకంటే పేరు చెప్పడానికి ఇష్టపడని అధికారి ఒకరు ఢిల్లీ లిక్కర్ కుంభకోణం లో మరిన్ని అరెస్టులు జరుగుతాయి అంటూ హింట్ ఇచ్చాడు !

అఫ్కోర్స్ ! త్వరలో కేజ్రీవాల్ ని కూడా సిబిఐ,ED లు ప్రశ్నించబోతున్నాయని తెలుసుకున్నాడు కనుకనే మొదటి సారిగా భయం కళ్ళలో కనపడ్డది !

ఢిల్లీ లిక్కర్ కేసులో కేజ్రీవాల్ తనని తాను రక్షించుకోవడానికి సౌత్ గ్రూప్ ని మరియు కవితక్కని కూడా బలి పశువుని చేయడానికి వెనకాడడు!ఇంత జరుగుతుంటే ఒక్కో నట్ బోల్ట్ లు బిగుసుకుపోతుంటే చూస్తూ ఊరుకుంటాడా కేజ్రీవాల్ ?

గతంలో బీహార్ వెళ్ళి నితీశ్ కుమార్ చేతిలో భంగపడ్డ KCR ఇప్పుడు కేజ్రీవాల్ చేతిలో మరో పెద్ద దెబ్బ తినబోతున్నాడు !

ఈ మొత్తం వ్యవహారంలో ట్విస్ట్ ఏమిటంటే మన తెలుగు రాష్ట్రాల మీడియా కవితక్కని ఎందుకు సూటిగా ప్రశ్నించలేకపోయింది ?

అసలు ఢిల్లీ లిక్కర్ కుంభకోణం లో కవిత కి ఎలాంటి సంబంధం లేదని ఇప్పటివరకు ఒక్క స్టేట్మెంట్ కూడా ఇవ్వలేదు. పోనీ KCR గానీ,KTR గానీ కవిత కి ఢిల్లీ లిక్కర్ స్కామ్ తో సంబంధం లేదని ఎందుకు చెప్పలేక పోయారు ? మీడియా కూడా ఈ ప్రశ్న వేయలేదు ఎందుకని ?

ప్రాజెక్ట్ సిసోడియ అట్టర్ ఫ్లాప్ అయినట్లే ప్రాజెక్ట్ కవిత కూడా అట్టర్ ప్లాప్ అవుతుంది అనడంలో సందేహం లేదు!

KCR కుటుంబ సమస్య ఢిల్లీ లిక్కర్ స్కామ్ అనేది ! దానికోసం తెలంగాణా అగ్ని గుండం అవుతుంది అంటూ బాధ్యతాయుత మంత్రి పదవిలో ఉన్నవాడు వ్యాఖ్య చేయడం వినాశకరం!

తెలంగాణ ఉద్యమంలో అశువులు బాసిన వారి ఊసురు తగిలి తీరుతుంది ! జైహింద్ ! జై భారత్ !