TS: ఇంటర్ ఫలితాలు విడుదల.. బాలికలదే పైచేయి!!

తెలంగాణలో ఇంటర్మీడియట్ ఫలితాలు విడుదలయ్యాయి. రాష్ట్ర విద్యాశాఖ మంత్రి సబితా ఇంద్రారెడ్డి ఫలితాలను విడుదల చేశారు. ఇంటర్ ఫస్ట్ ఇయర్లో 63.32 శాతం విద్యార్థులు.. సెంకడ్ ఇయర్లో 67.82 శాతం మంది విద్యార్థులు ఉత్తీర్ణత సాధించినట్లు మంత్రి తెలిపారు.ఫలితాల్లో బాలికలు మరోసారి మెరిశారు. ఫస్ట్ ఇయర్లో బాలికలు 72.33 శాతం.. బాలురు 54.20 శాతం మంది ఉత్తీర్ణత సాధించారు. సెకండ్ ఇయర్లో బాలికలు 75.86 శాతం.. బాలురు 60 శాతం ఉత్తీర్ణత సాధించారు.

పరీక్షలో తప్పిన విద్యార్థులకు అడ్వాన్స్ డే సప్లీమెంటరీ పరీక్షలు నిర్వహించనున్నట్లు మంత్రి ప్రకటించారు.అందుకోసం ఫీజు చెల్లింపు గడువును జూన్ 30 వరకు నిర్ణయించింది  ఇంటర్ బోర్డు. ఫలితాల్లో మేడ్చల్ జిల్లా మొదటి స్థానంలో నిలిచింది. ఇక   ఈ ఏడాది పరీక్షలకు 9 లక్షల మంది విద్యార్థులు హాజరయ్యారు.